Пуштен во употреба нов објект во рамките на ЈУДГ “Буба Мара”

На задоволство на многу родители, нашата градинка се збогати со уште еден објект со капацитет за згрижување од 200 деца.

Објектот ги исполнува сите неопходни стандарди и обезбедува современи услови за згрижување и престој на деца од предучилишна возраст.

Истиот се состои од 8 занимални со сопствени санитарни јазли и кујна, со вкупна површина од 1.500 м2.

Со овој објект нашата „Буба Мара“ доби двојно поголем капацитет за згрижување, со што ќе се задоволи реалната потреба на семејствата во Ново Лисиче.

Благодарност до Општина Аеродром која ги обезбеди средствата за новата детска градинка од околу 40 милиони денари.