“Растеме со класика”

Детскиот Креативен Центар при МКЦ-Скопје со поддршка од Град Скопје, на ден 29.03.2019 година во објект “Лавче”, со децата  на возраст од 4-6 години го реализираа Музичко-едукативниот проект за деца “Растеме со класика”.

Станува збор за интерактивни музички дружења во изведба на младите оперски пеачи З.Т. и М.Д. и инструменталистите Т.Н. (пијано) и Л.Т. (класична гитара).

Целта на проектот е приближување на класичната музика до најмладите. Децата се запознаа со класичната  музика, ноти, песнички за нотите, што е диригент, композитор, со пијаното и гитарата како инструменти, слушаа познати рефрени од оперски арии, а воедно се запознаа и со бон-тон правилата кога станува збор за концерт на класична музика, опера и  балет. 

Крајната цел е да се поттикне љубовта и интересот кон поразличен жанр на музика, да се запознаат со разни музички инструменти, видови на композиција (вокална, инструментална) и да се создаде потенцијална публика и потенцијални музичари.