Развиваме вештини – градиме таленти

Во ЈУДГ “Буба Мара” на 20.03.2019 година во објектот Пчелка1 со децата во воспитната група од 5 до 6 години се реализираше работилница. Оваа работилницата е дел од проектот „Развиваме вештини – градиме таленти“ во соработка со ЈУ Детски културен центар “Карпош” и е поврзана со македонското народно творештво. Децата имаа можност да се запознаат со народното творештво и изработката на народната носија со посебно внимание на накитот, имаа можност да поставуваат прашања и да одговараат на прашања поврзани со накитот. Потоа следуваше креативниот дел, децата во пар со дручарчето нижеа монистра со различна големина, боја и парички. Со оваа работилница ги зајакнавме вештините, ја поттикнавме самодовербата и истрајноста во изработката на накитот, ги откривавме и го развивавме талентот кај децата.