Совети

Поаѓањето во градинка е важна промена за секое дете, но и за целото негово семејство. Со оглед на тоа дека одењето во градинка не е задолжително, пред се, разјаснете си самите на себе дали вашето дете е спремно на оваа голема промена.

Другарите, односно, друштвото од врсници се потребни уште од најраната возраст.
 
Колку и да се обидуваат родителите во играта со детето да бидат соиграчи, тие секогаш остануваат мама или татко, тие секогаш ќе бидат возрасни личности, и затоа не можат да бидат адекватно друштво. Исто така, родителите често се уморни, презаситени со своите обврски, па во игрите со детето не се посветуваат со целото внимание. Покрај образовната улога која ја има градинката и принципот на стекнување на знаење низ игра и забава, уште една важна улога на градинката е социјализацијата.
Се смета дека за детето е неопходно покрај одредено знаење да има и одредени социјални вештини пред да појде на училиште. Затоа, колку порано го запишете во градинка толку повеќе детето ќе има време да научи да споделува, да се расправа, да се смирува, да ги негува своите другарства, конструктивно да разговара. За жал, влијанието на врсниците може да биде и негативено (на пример да научи погрдни зборови), но тоа е составен дел на растењето.
Тоа се работи кои нема да можете да ги избегнете, а полесно ќе пројдете преку нив доколку ваквото однесување на детето почне од порана возраст

Вашиот став. 
Уверувањето дека секое дете мора да доживее стрес кога поаѓа во градинка е предрасуда. Напротив, почесто поминуваат родителите низ „пекол“ одколку нивните деца. Вистина е дека колку и како родителите се спремни да го пратат детето во градинка, тоа ќе се рефлектира на нивните деца. Во најголема мера зависи од тоа колку детето тешко ќе помине низ овој период. Впрочем, доколку родителот чувствува страв, тој тоа (свесно или несвесно) го пренесува на детето. Меѓутоа, доколку родителот е смирен и оптимистичен, остава впечаток дека се е во ред, ако успее на детето да му покаже радост дека ќе појде во првото „училиште“ – детето ќе влезе во градинката без големи „драми“.

Кога ќе го земете детето од градинка, не го напаѓајте веднаш со прашања: „Што правеше, како си помина?“ На тие прашања ќе добиете одговор: „Добро си поминав, не правевме ништо.“. Место таква комуникација, изберете колку што можете по конкретни прашања. На пример: „Дали денес игравте со коцки?“, „Со кој другар денес највеќе си играше?“. Исто така, доколку детето во почетокот одбива да зборува за градинката, дозволете му го тоа.
На детето му е потребно време да ги преработи доживувањата и искуствата во текот на денот како би можело да ги сподели со вас.

Споделете преку

Facebook
Google+
Twitter
LinkedIn